I tēnei wā, e arotahi ana mātou kia tōtōpū te urupare ki ngā momo tūāhua tērā pea ka hua ake i te horanga o te Mate Korona, mātua rā ko te hauora, ko te haumaru me te oranga o ā mātou kaimahi, ā mātou kiritaki, ā mātou kaituku kerēme me ngā kaimahi kua whara.  E puritia ana e mātou ngā puka whakapuaki i te ngākaunui mai i ngā mātanga haumanu o ACC ki tā mātou putunga kōnae, ā, hei te wā e tika ana mātou whakapā atu ai.

Te whakawhanake me te whakatupu i ā mātou ratonga haumanu ohu mahi

Āwhinatia mātou ki te tuku ratonga ki tō rohe

E taea ai e mātou te tuku ratonga haumanu ohu mahi me ngā ratonga a te haumi hauora puta i ngā takiwā maha o Aotearoa, e rapu ana mātou i ētahi tāngata tūkaha kia piri mai ki a mātou. E whāia ana ngā whakapuakanga i te ngākaunui mai i ngā umanga haumanu ohu mahi e auaha ana, e aro nui ana ki te tangata, e āhua iti ana, kei roto i a rātou ngā momo huarahi haumanu maha, e hiahia ana ki te hono mai hei wāhanga mō tētahi huarahi kounga, e ahurei ana, e ngaio ana ōna pūtake, e tāpaetia ai ki te wāhi tauhokohoko mō te haumanu ohu mahi i raro i a ACC i ngā rohe e whai ake nei.

job-seekers

Tāmaki makaurau

job-seekers

Te Moana a Toi

job-seekers

Waitaha

job-seekers

Waikato

job-seekers

Te Whanga Nui a Tara / Wairarapa

Mō Rehab Management

Kua neke atu i te 20 tau a Rehab Management e tuku ana i ngā ratonga haumanu ohu mahi e nui ana te kounga, e aronui ana hoki ki te tangata me ngā rongoā mō te hauora i te wāhi mahi ki ngā kiritaki puta i Ahitereiria.  Mā te whakamahi i ngā hangarau me ngā huarahi arotake kua whai taunakitanga ka tautuhi, ka whakahahaki hoki ā mātou kaitohutohu i ngā taupā tērā pea ka ara ake, ka whakararu  i te hokinga ki te mahi i runga i te haumaru me te tūroa, mā reira e tutuki ai te haumanutanga o te nuinga o ngā kiritaki i te wāhi mahi.

E ū ana mātou ki te tuku ratonga hei whakaea i ngā hiahia o te takitahi; hei whakanui i ngā tino hiahia o te takitahi; e haumaru ana; e whaihua ana, e tukuna ana i te wā tika, e taea ana te utu, ā, kei te taumata tiketike katoa o te kounga.  Ka tautoko tā mātou tauira tuku ratonga me te anga mana hautū i ngā mahi haumanu e whai taunakitanga ana, e whai ana hoki i ngā tikanga whaihua katoa, mā:

RedTick

te whai tauira e aronui ana ki te tangata, otirā ki ngā wāhanga katoa o te tangata

RedTick

te tuku kōwhiringa hangore e tohutohungia ai te tangata, tae atu ki te manaaki i te hauora mā te torotoro ā-waea me te uru ki te hapori

RedTick

te whai rautaki e whakarite ai te tangata i a ia anō e whakatairanga ana i te haumanutanga i te wāhi mahi me te whai wāhi nui o te kaituku mahi ki ērā

RedTick

ngā hononga ki ngā hunga whai pānga e whakaatahia ana e te pūataata me te whakapono

RedTick

te tuku kaitohutohu e whai ana i ngā wheako e whāiti ana ki te ahumahi hei whakahaere i ngā tūāhua ahureinga e pā ana ki te wāhi me te mahi

RedTick

te mahi tahi ki ngā whānau, ki ngā kaituku mahi, ki ngā kaituku ratonga whakahauora me te ACC i runga i te ngākau motuhenga

RedTick

te tuku ratonga ki te Māori e urupare ana i runga i te ahurea o te Māori, e whakaaro nui ana, e whakaū ana hoki i te mana me te tū o te Māori hei tāngata whenua, tae atu ki ngā mātāpono o Te Tiriti o Waitangi

RedTick

te arotahi ki te haumarutanga ā-ahurea hei wāhanga mō te anga OHS e wātea ai ngā kaimahi me ngā kiritaki ki te whakapuaki i te tuakiri ahurea i roto i te haumarutanga

RedTick

te āki i te ukiuki o te whai kia pai ake, i runga i ngā māramatanga whaitake ka hua i ngā pūrongo me ngā tātarihanga raraunga

RedTick

ngā auahatanga ukiuki i te ao hangarau; e āpitihia ai e te hoahoa ā-hōtaka me te pāhekoheko he panonitanga, e whaihua katoa anō ai he panonitanga i te kounga o ngā ratonga

Ko ā Mātou Ratonga

E whakarite ana mātou i ētahi kāhui mātanga nō ngā huarahi haumanu maha e kōmitimitihia ana hei haumanu ohu mahi e ahu mai ana i tētahi, i ētahi rānei o ngā huarahi matua e whai ake nei:

nationally-local

Te Haumanu Ngangahau

nationally-local

Te Haumanu Korikori

nationally-local

Te Whakahaere Hunga kua Whara

nationally-local

Te Mātai Hinengaro / Te Ngārahutanga

nationally-local

Te Tauwhiro Hapori

nationally-local

Ngā Ratonga Haumanu Ohu Mahi

Tō Mātou Ahurea.  Ka kitea i Rehab Management New Zealand:

nationally-local

Tētahi ahurea mahi e whakaute ana e whakaaro nuitia ai te kanorau me te whai wāhitanga

nationally-local

Tētahi toronga whānui e arotahi ana ki te hapori pātata me ngā hononga ā-hapori

nationally-local

Te aronga ki te auahatanga me te hangarau hei tuku i ngā ratonga hou katoa e whai hua ana me te tautoko

nationally-local

He kāhui e whakapau kaha ana i runga i te ngākau tapatahi kia kounga rawa atu ngā wheako o te kiritaki

nationally-local

Te rahinga o ngā kiritaki kei tēnā, kei tēnā e taea ana te ukauka (e iti iho ana i te taumata ā-ahumahi) e kounga ai ngā ratonga

nationally-local

Te whakaaro nui ki te haepapa ā-pāpori i te ao rangatōpū

nationally-local

Te auau o ngā whakanuitanga i ngā pae i taea ai, i ngā kaupapa me ngā huinga

nationally-local

Ētahi kōwhiringa mahi e hangore ana

nationally-local

He whakangungu ukiuki e whai take ana, he kaitohutohu anō hoki hei whakaruruhau

nationally-local

He huarahi ako hei tautoko i tō whanaketanga ā-ngaiotanga e ukiuki ana

Mā te mahi mā mātou, ki a mātou anō hoki e puta ai te angitu.  E whakapono mārika ana mātou me whakawhanake, me tautoko i ngā tāngata katoa ka mahi tahi ki a mātou me te ukiuki o te whakawātea i ngā huarahi e puta ai te whanaketanga ā-ngaiotanga. 

Whakaawehia tō wāhi mahi i te rā nei

  • He Tono Tūranga Mahi

  • He take nui ki a Rehab Management te noho matatapu. Tēnā, tirohia i konei tā mātou kaupapa here here e pā ana ki te noho matatapu
  • This field is for validation purposes and should be left unchanged.

Pin It on Pinterest